U tsikbal Alfonso Dzib
Le nojoch yóok’ol kaaba’ u ti’al máax jóoya’atikto’on lu’um, máax síik ik kuxtal, yéetel máax ku síik-to’on tu láakal wal beey ti’ to’on wíiniko’on, beey ti’ ba’alche’ob, beey ti’ paak’alo’ob.
Leeti’e’ tu láakal ku manejartik, je’eba’axake’ beey nojoch Dios Yuum Kaab, je’eba’axak te’ lu’umo le hijo Jesucristo, je’eba’axake’ leeti’e’ tun máan u beetej, tan xan u nombrartik, leeti’ ts’áik permiso, mas u nojochil leeti’. Leeti’e’ je’ebax u k’áat u yóot ya’ale, beey yanik junp’éel Republica le Dios padreo’, pero te’ hijos leeti’e este papats’il yanik, je’eba’axake’ ku ts’áik.
Le ken ila’ak máax ts’o’ok u tóokik u kool beeya’, leeti’e’ binuka’aj u yáax lúubul yáax ja’, binuka’aj u paak’ kool. Le ken u mache’ xi’im u ts’áa te’ koolo’, u jo’ol le semilla ku yoxo’ontalo leeti’e u chan mejenil ku ts’aaba k’áak, ken xi’ik tun tu koolo’ binuka’aj u jo’ose sakabo’ tun pak’ike santo xi’imo’obo. Je’elo’ tu’ux ku ts’áik cuenta ti’ Ki’ichkelem Yuum, Dios Padre, Yuum San Miguel Arcangel, Ti’ Jesucristo, pos ku’ ts’áik cuenta ti’ Kaab patron, le era Yuum San José, San Isidro, Yuum Santiago. Ja’alibe’ ku pak’ike graciao’, ken yile tune’ le gracia ts’o’ok u jóok’ole’ binuka’aj u yile’ tun taal ja’. Ts’o’ok u chukik u orail u ts’aabal le gracia te’ lu’umo’, ti’ u nojochil yóok’ol kaab, tata Yuum Kaabo’, yéetel Ko’olebil Mu’uxinkaabo’. Leeti’ túune’ ku ts’áik permiso ti’ Jesucristo xane, tan xan u k’aatik siempre ti Jesucristo túune u ts’áik poder ti’ Yuum Kaab San Miguel Arcangel. Ku ya’ala’alti’ Yuum San Miguel Arcangel ku ts’aik llave tu k’ab, ts’o’ok u ts’aabal yaabe tu k’abe’ binika’aj tun u p’éekse le nukuch Kanjel bin ka nombrarte le Sakpa’apatun cháako’obo’ yáax leeti’ ken u chune.
U naajil leeti’obo’ beey xan yanik wíinik yóok’ol kaabe’, beey yaniko’ob ma’ak. Ku chíikpajal beey junp’éel nojoch iglesiae’ wa beey nojoch torres tu’ux yaano’ob leeti’obo’; pues tan wu’uyik túune ya’ala’ale’ wa leeti’obe’ wa jaaj jach ts’áab poder ti’ u yila’ale je’el u kíimil wíinke’, tumen leeti’e’ Dios yanik.
Ba’axten ku ya’ala’al Papa, bey yanik u taale Papa, le ku ya’ala’al Juan Pablo II, beey yanik leeti’o’, bey Dios yanik leeti’o’ tumen je’eba’ax ku tuukultike’, le ken a’ala’ak le mensaje tumen Jesuse’, jóoya’anene’ex, tun líik’il yáalkab, ma’ jun mesi’, chen ichil 10 wa 20 minutos sam máanak ti mas ti 300 kilometros, tumen leetie yan poder ti’, chen junp’éel ch’úuy ja’ ka u bise’ leeti’e 100 ciclos ku jóoyatik, yéetel ya’abkach kilometros ku bine 100 ciclos ku ya’ala’ale ku ka’anatal le ja’o’ tumen leeti’e’ Dios. Dios tu tuukul yanik leeti’. Ken u p’ate’ u bilal u meeyajo’ la’atene’ yan u naajilo’ob leeti’ob, ma’ wa mixtun yaantal u naajil leeti’obi’, beey yanik le nukuch cerroso’, nukuch Iglesiao’, beey u naajil le Yuum Cháako’. Leeti’ ken ts’o’okok u jóoya’o’, ¡jáala’! tun ku bin yáalkab mixtan wilikteech.
Contado por Alfonso Dzib
El Gran Dios de la Tierra es el que riega la tierra. Es el que regala las cosas para que los hombres puedan vivir aquí, en la Tierra, con los animales y las plantas.
Él todo lo maneja, cualquier cosa. Es el gran Dios de la Tierra, de la Tierra de su hijo Jesucristo. Todas las cosas, Él, Jesús, lo hace, y le pide permiso al Gran Dios. Todo lo que pida es para Él, como una gran Republica de Dios, y somos los hijos de un solo padre, y otorga lo que se le pida.
Cuando vea que el campesino ya quemó su milpa, Dios va a hacer que caiga la primera lluvia para que siembre su milpa. Y cuando el campesino agarre y seleccione su semilla, se sancochan los granos que sobren para que pueda sacar su sakab y ofrecérselo a los patrones de la milpa, a San Miguel Arcángel y a Jesucristo. También se le rinden cuentas a San José, San Isidro, San Marcos y Santiago. Después de sembrar el maíz en la tierra, el campesino espera que salga, para darle gra-cias al gran Dios de la Tierra y a la Virgen de Mu’uxinkaab, para que le dé permiso. Jesucristo le da poder a San Miguel Arcángel, le dice a San Miguel Arcángel que le dé la llave para la lluvia en sus manos. Después de tener la llave, nombra a los dioses de la lluvia, a los kanjel y a los sakpa’apatun chaako’ob*, para que comiencen su trabajo.
La casa de los dioses se parece a la de los hombres sobre la Tierra. Sus casas parecen como grandes iglesias, como gigantes torres, donde viven, pues se dice también que a ellos les dieron mucho poder. Si los llegan a ver por algún humano, éste puede fallecer sólo por el poder que tienen.
Por eso, podemos compararlo con un Papa, como Juan Pablo II, es como un dios, y cualquier cosa que quiere, él da la orden o mensaje a los dioses de la lluvia a través de Jesús, y aunque no es mes de lluvias, inmediatamente se levantan las nubes y llueve por lo menos 10 ó 20 minutos sobre 300 kilómetros por el poder que tiene. Solamente agarra una poca de agua, y es como cien ciclones. Para Dios los cien ciclones no es trabajo, porque Él es un Dios muy poderoso. Lo vemos en sus casas, como cerros o como grandes iglesias, así de grandes y poderosos son los dioses de la lluvia. Cuando el terminan su trabajo, desaparecen como por obra de magia, nadie los ve.
