U tsikbal Sixto Canul
Le historia je’ela’ tsikbata’an tumen in abuelo úucha’, pues yaano’obe kik ike’ jaaj. Beorase’ nika’ in wa’ale’, pues yaan u k’iin u taal bin chen jo’ok’ok u yúuchul le ba’atelta’anba’alilo’obo’. Le ken na’akak u yóol u rey xan Masewalo’, ku jook’ol ba’atel yéetel u rey ts’uul bin.
Le ken tun si’inik junp’éel suum bin beeya’ ti’al u yáalkab bine, este le chan t’u’ulo’, u Rey bin Españoles, je’elo’ le chan ku’uko’ u Rey tun Masewal. Le ken u yáalkab te’ suum le ken u sinbil tumen u Reye Masewalo’, leeti’ kun ganar. Wa pitk’aj le chan t’u’ule’ pues yaan u perder ts’uulo’ob, pues yaan u yáalkabta’alo’ob. Pero wa chen le chan ku’uk, le chan ardilla áalkabnaj te’ chan suum ku t’iinilo’, pues Rey ku ganar tumen ts’o’ok u jóok’o, tumen ts’o’ok u chukik u tiempoil.
U Rey Masewal leeti’e, ja’ali ken náak’ak ti’ u yilik ba’ax ku meeta’a ti’ le óotsil Masewalo’obo’ pues leeti’e’ ku jóok’ol. Yaan u chukik u añoil u jook’ol le u Reyil Masewal bin, beey u tsikbalmi óotsil in abuelo. Pero chen jóok’ok leeti’e’ pos yaan u yáalka’atik le yuum ts’uulo’ob bino’; ku jo’osik tak u yaalak’ elefante, tigre, leones, xuuxo’ob. (Avispao ku ya’ala’alo’) yaan bin u jo’osike’, lelo’ ku píipik ch’iintik ich u naajile ts’uulo’obo’ ku yáalkabo’ob.
Pero chen le ts’uulo’ob ken u chi’ibilo’obo’, wa ken u jaantbilo’obo’; ku p’áatal le xuunano’ob bino’. Je’elo’ pues, este le, herramientas xano’, u taasma ts’uulo’obo’ yan bin u laj ma’ats’a’al tumen le elefanteo, yaan u laj jaantik tak le nook’o’ob bino’, yaan u laj ma’ats’ik u nook’ ts’uul yaan ti óotsil máak, yaan bin u k’uchul k’iin u ka’ nook’intik máak le k’uchbil nook’ de tamano’, le tamano’ algodón.
Je’elo’ pos tuukult’e beora ma’ ik oojel meet junp’éel tejido de tamane’, pos ma’ak yaan ik jodertikiba. Wa xu’ul, wa jaanta’ab u pábrikai le nook’obo’. Pos chen tumen yo’ole ts’uulo’oba’ pos jats’uts, yaan tak ik traje de nook’o’ob ma’alobtak. Tu láaka: Ke báat, ke lima, ke machetes; yaan ti’al ik meetik kool. Tumen le úuchil ka’acho’ chen chuun che’ ku t’a’ablajal le sojolo’ ku laj kiinse’ k’áaxo’obo’, ku yaantal u meetik u kool bin máak.
Leete Españoles jóok’obo’ ka beychaj u yaantalto’on herramientas ti’al ik meyaj.
Contado por Sixto Canul
Esta es una historia contada por mi abuelo hace mucho tiempo; pero sí hay gente que piensa que es verdad. Ahora voy a contarla, pues llegará el día en que estalle la guerra, y será cuando el rey de los masewalo’ob se harte de la situación y salga a combatir contra el rey de los ts’uulo’ob.
Se tenderá una soga así, en donde correrá un pequeño conejo, que es el rey de los españoles, y una pequeña ardilla, que es el rey de los masewalo’ob. El que logre correr sobre la soga tendida por el rey masewal, será el ganador. Si se resbala el conejo, perderán los ts’uulo’ob, y los corretearán. Pero si la pequeña ardilla logra correr sobre la soga tendida, pues será el rey al haber ganado, porque llegó el tiempo.
El rey masewal, cuando se canse de ver los malos tratos que les dan a los pobres masewalo’ob, se aparecerá. Vendrá el tiempo en que se aparezca el rey masewal, así nos lo cuenta mi pobre abuelo. Cuando el rey masewal aparezca, correteará a los ts’uulo’ob; sacará hasta sus animales como el elefante, el tigre, los leones, las avispas. Las sacará y las aventará dentro de las casas donde viven los ts’uulo’ob, y ellos correrán.
Pero solamente a los hombres de los ts’uulo’ob picarán, o los comerán; a las mujeres no. Entonces, hasta las herramientas que importaron los ts’uulo’ob serán devoradas por el elefante; se comerán todas las ropas de las personas, y vendrá un tiempo en que la gente vuelva a vestir k’uchbi nook’ de algodón (ropa hecha a mano).
Ahora, si no sabemos hacer un tejido de algodón, pues tendremos problemas. Si se acaba la ropa, si se comen las fábricas que la hacen, nos quedaremos sin nada. Pues solamente por los ts’uulo’ob tenemos bonitos trajes, ropa buena, tenemos de todo: hacha, lima, machetes, etc. De todo hay para hacer la milpa. Antiguamente sólo del tronco de los árboles se sacaba lumbre para prender basura (hojas secas), para así matar los árboles del monte, para hacer la milpa. Cuando aparecieron los españoles, fue cuando pudimos contar con herramientas para trabajar.
