U tsikbal Alfonso Dzib
Yuum k’íin, yéetel Mama Luna. U k’áaba’ le Yuum k’íin ich maya’o u Ya’alale’ XLu’ul.
U k’áaba’ le mama lunao’. Leeti’e’ xko’olebil X-ook tumen leeti’e’ ku meyaj ken jo’op’ok u yáak’atal.
Leeti’obe siempre Dios ts’áob way yóok’ol kaab xane’. Ti’al u tíich’k’a’ato’on lu’um way yóok’ol kaabe’. Ka’achil bine Dios padre’e’ tu ts’áa ka’ap’eel k’íin yóok’ol kab. Pero ka ila’abe’ jach ku chokotaj ti áak’ab, beey xan de k’íin. Ka tun tu ya’alaj Diose’ yaan u tselik junp’éel yóok’ol kaabi’. Beey tun uchak u p’áatal Yuum k’íin yéetel mama luna. Tumen ka’ache le paak’alo’ ken ya’al u yáak’a’atale’ ts’o’ok u kíimil. Beey xan le aalak’o’obo’ ku kíimilo’ob xan. La’aten túune k’e’ex le k’íin yéetel mama lunao’.
U chíikul le k’íin way yóok’ol kaabe jach ku chokotal. Pero le mama luna leeti’e’ ku chichantal ku nojochtal, beey junp’éel u kuxtal máake. Leeti’e’ ma’ jach chokoji’. Yaan máake ken jo’op’ok u meetik yeena lunae’ ja’ach’ u k’i’ik’el.
Yaan k’íin xane le mama lunao’ ku servir ti to’on, ti’al ik pak’ik wa ba’ax paak’alilo’ob, tumen yaan paak’ale’ wa ka pak’ik ma’ yeena lunae’, yaan k’íine’ mixtan u yaantal u yich, je’ebix cebolla, rábano, ajo, lechuga, aak’il makal, xkukut makal yéetel xchawa’ iik. Yaan xan paak’al ku pa’ak’al chichan luna. Je’ebix le puuto’, pepino, chi’ika’am.
Le puut wa ka pak’e chúumuk ka’an yaan luna’o, ku ka’anatal chen u ts’áa u yich. Wa jach lek u tíip’il le luna te yóok’ol k’áax ka pak’o’ chen junp’éel metro ken u náakal u che’ile’ tun yichankil.
Wa tun llena luna ka pak’e, wolis ku p’áatal u yich. Le lunao’ ku méetik u nojochtaj wa u chichantaj u yich le paak’alo’obo’. Tumen leeti’e’ cada mes ku cambiarkubaj yéetel un porma. Yo’osal u síisal le luna de nocheo’ yéetel u sombra.
86 87 |
Le k’íino’ jach k’a’abet xan tumen leeti’ tijsik tu láakal le che’obo’. Yo’osal u yúuchul tóok. Le k’íino’ ku meyaj ti ka’ap’éel nukuch kaajo’ob. Ken áak’abchajak ti’ junp’éele’ tun ka’ jóok’ol tu jeel káaj.
Contado por Alfonso Dzib
Padre Sol y madre Luna. El nombre del Sol en maya le dicen Xlu’ul.
El nombre de la Luna le dicen dios X-ook. Porque ella trabaja cuando entra la noche.
A ellos siempre Dios los trajo en el mundo. Para que ellos nos puedan dar luz aquí en el mundo. Anteriormente Dios Padre puso dos soles en el mundo. Pero se dieron cuenta que se calienta mucho, así como en la noche como de día. Entonces, Dios dijo que va a quitar uno en el mundo. Así se quedo el Sol y la Luna.
Porque anteriormente todos los sembrados antes de que llegue la noche todos están muertos. También los animales domésticos se mueren. Por eso cambiaron un sol por una luna.
El Sol aquí en el mundo es muy fuerte. La Luna se cambia constantemente su forma en grande y en pequeño. Parece como la vida de una persona. No es muy caliente. Hay personas que cuando es luna llena tienen la sangre aguada.
A veces la Luna también nos sirve mucho. Para hacer algunos sembrados. Porque hay sembrados que se siembra si no es llena luna. A veces no produce frutos, como es la cebolla, el rábano, ajo, lechuga; como kukut makal, ak’il makal (variedades de papa makal) y chile. También hay sembrados que se siembra cuando la Luna está pequeña. Como es la papaya, el pepino y la jícama.
Si es menguante la luna y llegas a sembrar la papaya, se queda alto cuando ponga su fruto. Pero si la luna es nueva cuando lo siembres, sólo llega un metro de altura y empieza a poner sus frutos.
Si lo siembras en luna llena el fruto queda redondo. La Luna hace que quedan pequeños o grandes los frutos de los sembrados. Porque la Luna cada mes cambia de forma. Por el fresco que deja de noche y la sombra.
También el Sol es muy necesario. Porque él seca todas las plantas para que se pueda hacer la quema de las milpas. El Sol trabaja en dos grandes naciones. Cuando anochezca en una nación, vuelve a salir en otro.
