U tsikbal Fulgencio Noh
Tumen way to’one’ te’ lu’uma yaan le nukuch kaano’ob u k’aba’obe’ kankuch kabaob; junpáay le ooch kaan ku ya’ala’alo’, mix leeti’ xani’, chen nukuch kaano’ob, je’ebix ts’íibta’anil ju’uno’obo’, nukuch pikil ju’uno’ob. Le kaano’ob je’elo’ ku jach nuuktalo’ob, jach ku xáantal u kuxtalo’ob way yóok’ol kaabe’. Ku yiliko’ob tak cincuenta años, ku jach nojochtalo’ob, cincuenta añose’ ku yookol u je’esuba’ob yáanal áaktun. Te’ tun yáanal le áaktun tu’ux síis lu’umo, ti’ tun ku kajtali’, sin que u jo’ok’oli’.
Tumen wa ka’ jóok’ok ma’ake mi je’el u jaantik tak máake’, nojoch ba’al. Cincuenta xan kun bin p’áatal te’ yáanal aktuno’, ti’al tun u chukik cien años tun ti’. Cien años tun ti’e’ pos ku chúunpajal u jóok’ol u xiik’o’ob u jook’ol u k’u’uk’mel. Ku jo’op’ol u sentirtik túune’ jel u béeytal u bine’, jel u béeytal u jóok’ole’, hasta tun u chukik u mesil le septiembre ku ya’ala’a beeyo’, ti’ tun ken u jóok’oli’, je’eken tu’ux ka yaanake’.
Wa ti’ yaan yáanal nukuch k’axo’ob beeyo’, yaan u jóok’ol cada año u xíinbansuba tu paach le nookoy múuyalo’obo’, hasta u yiijtal u xiik’e. Lelo’ junp’éel ba’ale’ ku yila’al; ku tocar u yila’al tu láakal. Tumen mix wa junp’éel ba’al wa chen tun tukulta’al wa yaani’,¡Si no que yaan!. Leetun lelo’, ku bin máan paach le nokoyo’ob bey ka’analo.
Je’etu’ux ken u jut junp’éel u k’uuk’mel, junp’éel u ts’o’otsele’ ken líik’ik yáalkabe’ juntúul keej, wa juntúul kitam, wa je’eba’ax u k’áate’, pero yaan u bin ba’alche’il. Leeti’ ku líik’il u beet beeyo’. Ts’o’ok u término tun ti’al tak tres semanas u maan tu paach le múuyalo’, ku bin tun ts’áamal ti’al tun ichil junp’éel noj k’aa’náab. Antes u k’uchul ya’ala’al ichil le k’áa’náabo’ ts’o’ok u líik’il le k’áa’náab ti’al machik xano’.
Le ken ma’achak tun tumen le k’áa’náabo’, ken ya’al junp’íit horae’ sam jelpajak, ku yaantal u jéelpajal túune’ jel u béeytal u ts’o’onol túune’. Jel u béeytal u kíinsa’ale’,tiburónil u páatal túun; enseguida ku k’expajal u porma.
Ti’ tun ku ts’o’okol ti’ le ba’alo’ob beey ku náakalo’, chen cada año beeyo’, hasta u mesi septiembre ku jóok’olo’ob’.
Contado por Fulgencio Noh
En esta región existen unas serpientes muy grandes, llamadas kankuch kabaob, parecidas a la boa, pero no son ellas. Eso sí, son enormes, como las que mencionan algunos libros. Llegan a crecer mucho, porque su existencia sobre la Tierra dura mucho tiempo. A los cincuenta años entran a las grutas a seguir viviendo. Ya en la frescura del fondo no tienen necesidad de abandonarlo y ahí se quedan.
Se cree que si llegaran a salir podrían comer hasta a los humanos, pues son grandotas. Dentro de la gruta permanecen otros cincuenta años para completar cien años. Al cumplir el siglo les comienzan a brotar las plumas. Será cuando sientan que pueden volar y pueden salir, pero será hasta que llegue el mes de septiembre, y, solamente ese mes, esté donde esté, saldrá.
Si existe alguna que viva bajo los inmensos árboles de la selva, cada año sale a pasearse por las nubes cuando siente que sus alas ya están duras. Esto es verdad, porque hay alguien que lo ha visto. No es un hecho que sólo se piense, ¡sucede!; han subido a volar por las nubes.
Donde caiga una pluma o un pelo que se le desprenda de su cuerpo, tocando el suelo, enseguida se convierte en un venado o en un jabalí, y si no en éstos, en otro animal. De por sí éste es el objetivo de sus vuelos. Luego de tres semanas, aproximadamente, de realizar esta andanza, se dirige a un océano para que allí se zambulla. Pero se cuenta que antes de que toque la superficie del agua, ésta se eleva y la cubre.
Al ser abrazada por el mar, al poco rato cambia y se convierte en un animal marino. Se dice que hasta entonces se le puede cazar, se le puede matar, porque se convierte en tiburón; cambia su forma.
Así acaban los bichos que cada año, en el mes de septiembre, suben y vuelan por el firmamento.
