Yáax wíiniko’obe’ leeti’ le Itzaobo’ yaan u taankaso’ob, yaan u nu’ukulilti’ob Yuumtsil ts’aamilti’ob, síiti’ob. Te múuch’ wíinik túuna’ te’ u taal xani’ Adán yéetel Eva. Yuumtsil tun tsel u taankaso’ob, te’ tu t’ublantaj ichil le péet ja’ yaan Coba’o’. Te’ taalo’ob te’ beej yaan ichil Tulum yéetel Coba’o. Te’ yáanal le ja’o’ yaan junp’éel u k’unaj. Le IItzabo’ob tu p’ato’ob tunichil. Le úuchben naajo’ob yaan Tulumo’ lete u naajil le yáax wíiniko’obo’.
Le k’unaj yaan yáanal ja’o’ ku je’ek’ajal ti’ viernes santo, le ku kananta’al tumen juntúul ba’alche’, u k’aaba’e’ Bo’op; leeti’ kanáantik le táankaso’.
Yuum K’uje’ ma’ u ya’al wa je’el u ka’ sutik le utsil táankaso’. Ka’ach úuche’ junsúutuk ts’o’ok u beeta’al junp’éel naaj wa junp’éel k’unaj; tumen le úuchben wíiniko’obo’ yaan u taankaso’ob.
Tu jeele’ ka tu beetaj le Yuumtsil p’uusóobo’. Máako’obo’ chen beeyo’one’ ba’axe’ bin u ch’a’uba’ob chen ichil u láak’ubaob, tak yéetel u taatatsililo’ob. Walaki’ 1000 ja’aba’ ch’éejsa’abo’ob tumen Yuum K’uj yéetel junp’éel bulkabal. Chen tun Noe yéetel u ch’i’ilankabil ma’ xu’ulsa’abi’.
Le u jmeenil le P’uuso’obo’ leeti’ob beet le Aluxo’obo’. Bolon k’iin yéetel bolon áak’ab ku payalchi’ob, tun jo’osiko’ob xan u k’i’ik’el u k’abo’ob ti’al u ts’a’ob ti’ le mejen Alux k’ato’. Bolon Martes yéetel bolon viernes ku payalchi’ob, tan u jo’osik u k’i’ik’elo’ob ti’al u kuxkintiko’ob le aluxo’obo’. Leeti u Yuumtsil le jmeeno’obo’. Le jmeeno’obo’ laj kíimo’ob ba’axe’ le Aluxo’ layli kuxa’ano’ob tak bejla’a’. Le Aluxo’obo’ ma’ kimo’obi’, tumen laj tu ta’akubaob ich sajkab.
Kaj ts’o’oke kaj beeta’ab wíinik tumen Yuum K’uj. U ya’ala’ale’ yaan bin u xu’ulsikto’on Yuum K’uj ti’ le 2000 ja’aba’.
Ti’ le yáax k’iino’obo’, le k’íin tu kuxtal máak chen yéetel maktsil, kuxa’an wíinik chen yo’osal u yaakunaj Yuum K’uj. U meyaj máake’ chen ch’a’abil. Chen yéetel junp’éel wa ka’ap’éel xi’im ku pa’ak’ale’ yaan ti’al jaantbil tul ja’abi le k’iino’obo’. Yuum k’uje’ ku kanáantik wíinik; oli’ beey u beetik kolnal yéetel u yaalak’o’obe’. Le si’ xano’ layli’ beeyo’ chen tu juun ku taal. Chen u xuxba’ale’ tun balk’alankil ku taal, tak ken k’uchuk.
Tu láakal le ma’alo’ob kuxtalo’ k’éexi, chen yo’olal ka’atul paalal tu tuukultajo’obe’ mas ma’alobo’ob. La xch’úupalo’ tu beetaj k’u’um yéetel ya’ab ixi’im, yo’olal beeyo’ ma’ u xu’upul. Chen ba’axe’ úuche’ tuulnaj le k’u’um te tu’ux ts’aaja’ano’, beey túuno’ kaj k’aschaje yáaxil ts’aaja’ano’. Le jxi’ipalo’ úuch xan layli’ beey ti’o’. Tu yóoltaj u ye’es jach xiibe’, tu bajuba u kuch ya’abach si’, le ba’al tu beeto’ beey p’áatiko’, ti’al tak u láakal u ch’i’ilankabil. Le si’o’ ma’ ka’ taal tu juuni’. Yaan u ku’uchul ka yanak.
Contado por Celso Dzib
Los primeros hombres fueron los itzá máako’ob. Tenían taankas, virtud, tenían el poder, Dios se los regaló. Adán y Eva pertenecen a este grupo de gente. Dios les quitó toda su virtud. La metió en el lago de Cobá, abajo del agua. Vino de Chichén Itzá, por el camino hasta Cobá. Abajo en el agua hay una iglesia. A los itzáes se hizo piedras, y las ruinas de Tulum son las casas de los primeros hombres.
El Viernes Santo se abre la iglesia abajo del agua. El que la cuida es un animal llamado bo’op. Está cuidando la Virtud.
Dios no ha dicho cuándo va a volver la Virtud. Antes, en instantes está hecho una casa, o una iglesia. Los antiguos tenían poderes.
Después, Dios hizo los p’uuso’ob; son como nosotros, pero vivieron en la promiscuidad: hermanos y hermanas se casaron, igualmente papás con hijas. Por el año 1000, Dios los destruyó con el Diluvio, y solamente Noé y su familia sobrevivieron.
Los jmeno’ob de los p’uuso’ob hicieron los aluxes. Nueve días y nueve noches estuvieron rezando y sacando sangre de sus brazos para inyectarla en las figuras que habían hecho de barro. Nueve martes y nueve viernes estaban rezando y sacando su sangre para que vivieran los aluxes. Eran los santos de los jmeno’ob. Los jmeno’ob fallecieron todos, pero los aluxes existen hasta hoy. Los aluxes sobrevivieron el Diluvio, porque se metieron en las cuevas.
Después Dios hizo los hombres, los wíiniko’ob. Se dice que Dios nos va a hacer desaparecer en el año 2000 y pico.
Al principio del tiempo, cuando todavía reinaba el tiempo de milagros, la gente vivía por la gracia de Dios. Su trabajo no era excesivo. Con tanto de sembrar unos pocos granitos de maíz tenían suficiente para comer todo el año. Dios cuidaba a sus hijos como el milpero cuida a sus animales. Y la leña tampoco tenía que cargarla, venía sola. Con tanto de chiflarla llegaba rolando o caminado a la casa.
Pero todo eso se cambió. Por dos jóvenes que quisieron demostrar que pudieron más. La muchacha quiso preparar más de una semilla de nixtamal, para tener más que suficiente. Y así le pasó, la paila con nixtamal se rebosó, y se echó a perder toda la bendición. Con el muchacho pasó algo parecido. Él quiso demostrar que era muy macho, y pudo cargar bastante leña. Y así fue el destino de él y sus descendientes. La leña ya no vino solita, pero cargada tenía que ser traída.
