U tsikbal Celso Dzib
Entonces pos ti’ tun le úucho’ mina’an Yuum K’iin mina’an luna, k’a’atúul ma’ana’ paalal. Chen beey bin yaanlik t’aanakta u sáastal ka’an sereno beey yaanlik, mina’an ba’al k’iinkunsik yóok’ol kaab.
Mix u mamá mix u papá yaan, le ka’atulo’ ma’ana’ob, u láak’ chan suku’un yéetel u yíits’in xch’uup, mixmáak ts’éentiko’ob, kíim u papá, kimen u mamá, chen tu chan juun tu naajilo’ob. Como mejen paalalo’obe’, mas u yoojelo’ob bix ken u kuxtalo’obi’.
Diose’ tu yilaje’, ka tu ya’alaje’:
–Le ka’atul ma’na’oba’ binukaj in ts’áa reyil, iche 2000 años y pico ken u meyaj tin wéetel.
Ka tun bin a’alab ti’ le chan xiib:
–Je’el wa a sáasilkuntik le yóok’ol kaaba’ kin ts’áakech reyil.
–Pos in Yuum wa teech je’el a síikteen ba’al ìn jaante, ka kuxkintéene’, je’ele’. Jel in obedecerke je’enba’ax ken a wa’ale’ papacito.
Le chan paalo ma’ u yoojele’ wa Dios a’alikti’.
–¡Je’ele’! Tumen beoritase’ wi’ijen, uk’ajen, mixtin na’atike’ bix ken in jaanal, bix ken in wuk’ul. In papae’ ts’o’ok 5 días kíimik, mina’an in mamá, mina’an in waalak’ ti’al in jaante.
–Ma’lo’ hijo, ko’oten waye’ –ka wilike’ ka ch’a’abe chan xiibe’ ka bin táaj xot’ta’ab u kaal tumen Diose’, le kaj wéek u k’i’ik’ele’ leeti’ ka sáasichaj yóok’ol kaab.
Sáasichaj yóok’ol kaab,leete’ ka’atul ma’ana’ob meeta’ab u najilo’ob chuun ka’an lak’in, k’áak’ tun suutnaj le k’i’ik’ wéek kaj xot’a’ab u kaal chen yo’osal u meeta’al u p’áatal Reyil. Pero k’áak’ tun p’a’ati tumen le Yuum k’iine jach u k’áak’il bine’ 1000 leguas u tóok che’, le u tóokma, le tóok ku taal tu kaajil leeti’ te’ ku chuniko’ lak’in 1000 leguas bin laj u tóokma, ku taal chen u ta’ani tuunich, che’ak’, playaak leeti’e’ u tóokma, le ku taal ka tun bin a’ala’abti’e’:
–Ja’alibe chan jma’na’! Mix ya’abkach k’iin kin ts’ikech a meyaj tin wéeteli’ hijo chen 2000 años y pico, ki bin ya’ala’al.
Ka tun bin ch’a’ab le chan xch’uupo’ ka tun bin ts’uk xot’ta’ab xan u kaal, le kaj wéek u k’i’ik’ele’ sáasichaj tu menta pero ti’al áak’ab. Ka‘ tun bin a‘ala‘abti‘e‘:
–A woojel –ki bin –. Cada mese ti’ ken a wil a suku’un.
Leete’ tun ken u meete eclipseo’:
–Cada mese’ yaan a máan tu lugar a suku’uno. Le a suku’uno’ ku máan ta lugar –ki bin ya’ala’al tumen Dios–. Chen ken a k’exkaba’ex yo’olal a wilikaba’ex.
Beey tun yanik le luna yéetel le k’iino’. Ka a’ala’ab tun ti’ le luunao’:
–Yaan u chichantal luna, yaan u chúumukka’anta luna, yaan u llenatal luna.
Óoxp’éel ba’al a’ala’abti’e’ chen u motivo ti’al u yilikuba yéetel u suku’uno; ka tsikbanako’ob pero cada mes, ka tu jan tukulta bin Diose bix ken u yiluba yéetel u suku’uno’, ka tu ya’ala yaan bin u jan pi’ixil kex yo’ola 7 minutos ku yéejoch’e’ental, ku máan le luna tu poder le Yuum K’iino, ku máan xan le Yuum K’iin tu poder le Lunao’.
Le eclipseo’ natural, tumen beey u ya’almi Diose’ ti’al u t’áan yéetel u suku’uno’ tumen ken k’uchuk u ocuparte u puesto u suku’uno’ de 12 horas igual u bin yéetel, tun bin u tsikbalo’ob, ken ka’ óokok las 12 horas ti’ junp’éel noche 24 horas ku tsikba yéetel u suku’un, hasta u láak’ junp’éel mes tu ka’aten, puro beey yaniko’on tak bejla’a’. Pos yaan orae’ ku ya’ala’ale’, mixtun na’ata’ale ba’ax ku yúuchulo’. Ku ya’ala’al yaan u búuyul Yuum K’iine ke yaan u bu’uyul Luna natural leelo, Dios a’almi. Tumen ma’ bin wa tun búuyul chen bin cortina ku kóola’al tu’ux yaan Yuum K’iin beeya’, tu yo’osal u yéejoche’ental ma’ u yila’al le luna xan ken u meet le eclipseo’, layli cortina ku kóola beey tu yicha’ yo’osal ma’ u yila’al u máan público bix u máan tu poder u suku’uno. Leete tun ku meeta’al beeyo’, yaan u yaanta eclipse ti’ K’iin, yaan u yaanta eclipse ti luna.
Contado por Celso Dzib
Hace millones de años no existía el Sol, no existía la Luna. Sólo había neblina y no existía nada para que alumbre sobre la Tierra.
Se dice que el Sol y la Luna fueron dos pequeños que quedaron huérfanos. No tenían papá ni mamá, sólo eran dos, un hermano y una niña, nadie les daba de comer. Su papá murió y su mamá también, solos vivían en su casa. Como eran muy pequeños, no sabían de qué van a vivir.
Entonces, Dios vio a estos dos niños, y dijo:
–Les voy a hacer reyes desde ahora hasta el año 2000 y un poco más; ellos van a trabajar conmigo.
Luego, le dice al muchacho:
–Si haces que haya luz sobre la Tierra te dejo como rey.
–Señor, si me regalas algo de comer para que pueda vivir, ¡sí!, te voy a obedecer en lo que ordenes; lo que tú digas, papacito.
El niño no sabe que está hablando con Dios. Y también dice:
–¡Sí!, porque ahorita tengo mucha hambre y tengo sed. No entiendo cómo voy a comer y tomar algo. Mi papá hace cinco días que murió, y no tengo a nadie que me regale comida, no tengo mamá, no tenemos animales para comer.
–¡Muy bien, hijo, ven aquí! –dice Dios, y agarra al niño y le corta su garganta. Al derramarse su sangre, quedó claro sobre la Tierra.
Cuando hubo claridad sobre la Tierra, Dios le hizo su casa por el este (Lak’iin), porque la sangre de la garganta del muchacho que se derramó, se convirtió en una enorme llama-candela, y fue así que se hizo el Rey Sol. Se quedó entonces la candela como Dios Sol, porque el calor de la candela puede llegar a quemar hasta 1000 leguas de leña. Pues así se quemó un pueblo, empezando desde el este, avanzando 1000 leguas más adelante, quemando piedras, maderas y las orillas de la playa. Cuando se quemó todo, Dios le dice:
–¡Muy bien, pequeño huérfano! No te voy a poner a trabajar por muchos años conmigo, sólo 2000 años y un poco más.
Después le tocó el turno a la niña, y Dios vuelve a cortarle su garganta, y se derrama la sangre.
Apareciendo otra luz, pero a ella la señala Dios para la claridad de la noche. Y le dijeron:
–Sabes: cada mes vas a ver a tu hermano.
Para eso Dios hace que haya eclipse.
–Cada mes vas a pasar en el lugar de tu hermano, y tu hermano va a pasar en tu lugar –así lo ordenó Jesús–. Sólo se cambian de lugar para que se puedan encontrar y ver que están vivos.
Así se formaron la Luna y el Sol. A la Luna, Dios le dijo:
–Cada mes tendrás tres etapas: luna chica, media luna y luna llena; tres fases.
Esa fue la forma para que los hermanos se vean y puedan conversar cada mes. Dios pensó la manera de cómo se pueden ver. Les dijo que se van a cruzar aunque sea por siete minutos, y va a quedar oscuro. La Luna tiene que pasar en poder del Sol y el Sol va a pasar en poder de la Luna.
El eclipse es un fenómeno natural que Dios tiene dicho, pues sólo así pueden conversar los hermanos, porque al llegar la hora de ocupar nuevamente su lugar, el hermano sigue su camino al igual que su hermanita. Van platicando, y al llegar las otras 12 horas de la noche, ya se cierran las 24 horas, y cada quien regresa a su lugar, hasta que llegue el siguiente mes. Así sucede cada mes como hasta la actualidad. Hay meses que no se adivina lo que sucede, se dice que sólo se cruza el Sol y la Luna. Para muchos es un fenómeno natural que Dios dejó. Cuando la Luna se tapa y oscurece, se dice que es una cortina, o nube, que se corre para que suceda el eclipse de Luna y de la misma manera sucede el eclipse de Sol. Es por eso que no se ve cómo se cruzan los poderes de los hermanos Sol y Luna.
